Mezâk-ı şi’ri şâirân ururlar rişte-i câne
Ki zarf-ı meydir her harfi düzülmüş rûy-i cânâne

Gönül vahdet serâyıdır mahall-i gonce-i tevhîd
Tecellî-hânedir esrâr müsellem ehl-i irfâne

Gönül lâhût ilinde âşiyân-sâz mürg gerekdir
Sürûr-i dâne-i aşkı düzer husninde mîrâne

Ki ol kayd-ı teallukda selâm-sâz eyleyen aşkdır
Muhabbetle nazar etse kitâb-ı husn-i hûbâne

Eğer bezm-i Elest’den dem urursa bir dil-i şeydâ
Bulur ol âteş-i aşkı olur âşık-ı ferzâne

Eğer nây-ı ezel sırrı zuhûra gelse bir dilde
Yerinde ol karâr eyler olur mestân-ı meyhane

Gönül LUTFÎ İlâhîdir dem-â-dem aşk meyin ister
Anın ile erişdiler erişen kurb-i sultâne