Nevâ-yı nâyı dilden dinleyen dil-şâd olur cânâ
Şerâb-ı vahdeti nûş eyleyen irşâd olur cânâ

Hidâyet bağçesinde verd-i vahdetler açılmışdır
Seher bâd-ı sabâ mahbûbesi şimşâd olur cânâ

Safâ-yı sâfi sadre bahş eder ebrû-kemân dilber
O zülf-i zer-feşân uşşâkına bi-dâd olur cânâ

Vefâdâr şûh-şeng meh-rûleri kim gördü âlemde
Nedendir çâr ebrûler cefâ mu’tâd olur cânâ

Ne fitne-engiz olmuşdur bugün bu mihribân gülber
Olursa yine Allah’dan bize imdâd olur cânâ

Bugün LUTFÎ kebâb olmuş ciğer-pârelerin bir gör
Şivengâh-ı gönülde nice bin feryâd olur cânâ