Öyle bir dildâre bende ol ki olsun yâr-i gãr
Bir dilârâya gönül ver zülfü olsun müşg-bâr

Bâkî bir cân bahş ede ru’yet-i dîdârı anın
Hurşîd-i kudret gibi göstere dîdâr âşikâr

Olasın makbûl-i dergâh-ı hidâyet-perverin
Sadr-ı defterinde ismin kayd ede ol nâm-dâr

Bu nukûşât-ı cihâna verme dil semler seni
Şâh gedâ olmuş değildir bu fenâda pây-dâr

Devlet-i dünya ise İskender’e yâr olmadı
Zıll-i zâil nevm-i nâim hiç olur mu i’tibâr

Ârifâne kıl nazar mir’ât-ı Hak’dır bu cihân
Sırr-ı vahdet bahş eder eşyâ sana hurşîd-vâr

LUTFÎ tefvîz-i ümûr et Hakk’a teslîm ol bugün
Ba’dehû dârü’s-selâm olan cinânda kıl karâr