Şefâ’at tahtına sultân olan yevm-i kıyâmetde
Kemâlâtı kemâle ermiş olandır risâletde

O ki ser-defter-i sırr-ı Ev ednâ’da bulan şöhret
Münevver neyyir-i a’zam doğan arşı seâdetde

Tecellîhâne-i Hak’dır mukarrebler metáfıdır
Ezelde kāsim-i feyz-i İlâhîdir hidâyetde

Kerem-şân mihr-i nûr-efşân meyân-ı enbiyê zî-şân
Ana emsâl olan kimdir bugün şân u şerâfetde

Odur nûr-i İlâhîden mürekkeb efdal-i mahlûk
Ezelden tâ-ebed dâim olandır bu hilâfetde

Bu bir muhtâr-ı Mevlâ’dır mukaddemde muahharde
Vücûda gelmemiş mevcûd böyle ahsen kıyafetde

MUHAMMED LUTFÎ’dir zâr-ı zebûn dermânde bir kemter
Kulundur kurbânındır dîdebân bâb-ı inâyetde