Musahhar emrine heb cümle eşyâ
Senindür kul senindür hükm efendi
Elin altındadır dünya ve ukbâ
Senindür kul senindür hükm efendi

Ne istersen edersin kudretin var
Her işde nîçe niçe hikmetin var
Sen esirge usâti rahmetin var
Senindür kul senindür hükm efendi,

Kiminin derdine tîmar edersin

Kimîne âteşi gülzâr edersin
Kimîni Mustafâ muhtâr edersin

Senindür kul senindür hükm efendi

Kanı Eyyub gibi bir sabre tâkat
Ya İsmâilü veş kurbâne cür’et
Meğer kim idesin fazlınla rahmet

Senindür kul senindür hükm efendi

Usâte rahmet-ü gufrân eden sen

Gönüller derdine dermân eden sen
HÜDÂYÎ’ye atâ ihsan eden sen
Senindür kul senindür hükm efendi