Temennâ-yı visâle mâye-i ihlâs olan aşkdır
Girüp Hayder gibi meydân içinde nâm alan aşkdır

Sipihrin çarhını çevre çeviren kuvve-i sevdâ
Belâ girdâbına hût-i muazzam-veş dalan aşkdır

Sikender Husrev ü Dârâ gulâmdır dergeh-i aşkda
Gidüb kâfdan kâfa mülk-i Süleymân’ı alan aşkdır

Acebdir mülk-i vîrâne girerse aşk olur mâ’mur
Yıkan mâ’mûrları elbet eden vârı talan aşkdır

Salıp Mecnûn’ları sahrâlara Leylâ cemâlinden
Koyan âteş-i firkatde bu derdlere salan aşkdır

Diyâr-ı dâr-ı vahdetde garîbâne olan hem-dem
İçüp mey-i musaffâyı gönülde nây çalan aşkdır

Tecellîhâne-yi Mevlâ kulûb-i dervîşân LUTFÎ
Nazargâh-ı İlâhî’dir bu tuhfeyi bulan aşkdır