Yeter oldun bu fâni evde sâkin
Yürü dost illerin seyrân edegör
Civar-ı Hakdadır hayr-ı mesâkin
Yürü dost illerin seyrân edegör
****
Efendiden kula ger ola ihsân
Olur fazlile her müşkil iş âsân
Umarız lütf-i ihsânını her ân
Yürü dost illerin seyrân edegör
****
Efendi cânibinden olsa dâvet
Gerekdir kullara hüsn-i icâbet
HÜDAYİ kuluna ede inâyet
Yürü dost illerin seyrân edegör