Zihi deryâ ki katreden göründü
Ne deryâdır ne katredir gör indi
Aceb katre ki deryâ onda mahfî
Bu mahfî sırrı sen senden sor indi
Murâdı on sekiz bin âlemin sen
Bu gaflet pes sana sendendir indi
Sana gel sen seni sende bulugör
Sana bak sendeki bil kimdir indi
Fenâ ol kim bulasın zevk-i vuslat
Bu sözüm düş müdür sana yor indi
Hicâb-ı nûr u zulmet küllî sende
Nice sen sen nice ben ben dur indi
Sana senden yakındır aşrı tap bak
Yoran mülküne sultân ol yor indi
Âsılda âşık u maşûk u aşk bir
Bu birden gerçi kim yüz bin göründü
Eğer âyîne bin olsa bakan bir
Gören bir görünen bin bin göründü
Saladır kime gark olmak dilerse
Yunus bu bahre gavvâs ol gir indi