Aşkın meyine ben kana geldim
Şevkın nârına hoş yana geldim

Şem’-i tevhîdî gördüm yakmışlar
Gitdi karârım pervâne geldim

Halka-i zikri kurmuş âşıklar
Ben de sahnında cevlâna geldim

Mecnûn’um bugün Leylâ derdinden
Aklı neylerim dîvâne geldim

Derdi cânânın açdı yaralar
Bağrım üstünde dermana geldim

Ümmî Sinân’ın hâk-i pâyine
Sürmeğe yüzüm sultâna geldim

Yaramı bildim yârimden imiş
Bunda Niyâzî Lokmân’a geldim