Şarâb-ı aşk ile mestâneyim ben
Yitirdim aklımı dîvâneyim ben

Tecellî nârına yaktım vücûdum
Kül oldum bir acep pervâneyim ben

Mukaddemdür egerçi benden âlem
Velî âlemlere hep anayam ben

Temevvüç eyledi bahr-i mahabbet
Vücûd esdâfına dür-dâneyem ben.

Benim şem-i cemâlîdir murâdum
Ana pervâneyim bes yanayam ben

Tenezzül etmezem dünyâ-yı dûna
Anın çün Hakkı’ya şâhâneyem ben