Benim yâr-ı vefâ-dârum gel âhır
Melek sûretlü dil-dârum gel âhır

Firâkun cânımı yahdı be-gâyet
Habîbüm mûnisüm yârum gel âhır

Firâkundân katı dîvâne boldum
Kerem kıl zülfi zünnârum gel âhır

Seni gördüm didüm iy gül-i cennet
Benefşe tâze gülzârum gel âhır

Karârum kalmadı sabrum tükendi
Lebi la’l-i şeker-bârum gel âhır

Benüm bülbül gibi giryân ü nâlân
Dudağı gonça gülzârum gel âhır

Nesîmî nâ-tüvân oldı ğamundan
Gel iy cânum gel ey yârum gel âhır