Felek mâhî değildir vech-i dilber gibi nûrânî
Cemâl-i yâri gör zâhid anın hîç var mı noksânı

Senin rûyindeki hâlet hayât-ı dil midir bilmem
Gönül cân vermek ister bir nefes ben görmesem ânı

Ne rütbe sarf-ı dikkat kılsalar vasf-ı miyânında
Yine âciz kalurlar rûzigârın mû-şikâfânı

Tahassür eylemezdim bir dahi gül-zâr-ı firdevse
Eger sahn-ı çemende görsem ol serv-i hırâmânı

Hele sînem gibi sad-çâk ederdin hırka-i zühdi
Göreydin zâhidâ ol dilber-i kâkül perişânı

Şeb-i vuslatda ey dil bûs edersen la’lin ol şûhın
Zekâyî gibi sen de nûş edersin âb-ı hayvânı