Hakîkat semtini gözler temâşâgâhumuz vardur
Bizüm tesir-i ney gibi derûn-ı âhumuz vardır

Egerçi hâne-ber-dûş u kalender-meşrebüz ammâ
Harâbât ehlini irşâd ider dergâhumuz vardur

Kimi şâha kimisi bir müşire intisâb itmiş
Bizüm bir kimsemüz yokdur hemân Allâh’umuz vardur

Felek noksanlığı vardur sizün ayın ki her mâhda
Bizüm noksanı olmaz hîç zemînde mâhumuz vardur

Yem-i gam rûz-ı dil-sûz-ı haşirden Kâmiyâ çünki
Şefâat-kân-ı sultân-ı risâlet şâhumuz vardur