Nâdâna sakın feth-i dehân eyleme derviş
Esrâr-ı Hudâvendi ayân eyleme derviş

Sırrı sır eden ser ver-i âlem olur elbet
Sır sakla telefsâz-ı beyân eyleme derviş

Derya-dil olup sîneni kenz-i güher eyle
Genc-i Hakkı itlaf-ı lisan eyleme derviş

Şemşir ise de sakla gılâf-ı dehen içre
Mahlûk u dilâ zâr-ı zebân eyleme derviş

Pervane sıfat şem-i ruh-ı mürşide cân ver
Bülbül gibi beyhude figân eyleme derviş

Tutileri pâ-bend-i kafes eyledi nutku
Söz ile özün beste-i şân eyleme derviş

Müştâk-ı sıfat söyleme efsâne-i ğaflet
Evkatını vakf-ı hezeyân eyleme derviş.