Pâdişahım sana ben bende-i fermân olayım
Hâk-i pâyında şehâ hâk ile yeksân olayım

Ey benim hüsni Hasan Hulki Hasan cânânım
Ka’be-i vaslına irgür sana kurbân olayım

Cem-i hâtır kala kapunda cemî’i uşşak
Sanâ lâyık mı ki ben böyle perişân olayım

Gözden ayırma şehâ mihr-i cihân-ârâyi
Bakalım âyine-i hüsnüne hayrân olayım

Severim cân u gönülden sana Müştâkım ben
Öyle âşık değilim sonra peşimân olayım