Cânâneyi men sevdiğimi cân dahi bilmez
Gönlüm dileğin dünyada cânân dahi bilmez

Abdâl oluban beğlik iden ‘ârifi gör kim
Bu saltanatun kadrini sultân dahi bilmez

‘Aklun gemisin ğark ide gör ‘aşk denizinde
Kim bu denizün ka’rını ‘umman dahi bilmez

Ey sâkî getür dur ayağın devrile sungıl
Bu devr ayağı devrini devrân dahi bilmez

Bildüm tanıdum ‘akl ile ma’bûd-ı mukaddes
Şöyle bilürem bildigüm ‘irfân dahi bilmez

Fehmeyle Nesîmî bu sözün ma’nisini kim
Bu kuş dilidür bunu Süleymân dahi bilmez