Cânânı cânda bulup cânını kurbân eyleyen
Dâr-ı fenâda bugün derdine dermân eyleyen

Dîde-i hakîkat ile seyreden bu âlemi
Kalbini cânâ odur mir’ât-ı irfân eyleyen

Yoksa zâhir-bînlik ile cümle hayvân müşterek
Maksûda erişdi Hakk’ı Hak’la seyrân eyleyen

Feyz-i Hakk’ı bul seher güllerdeki şeb-nem gibi

Nûr-i basîretle bak âlemde devrân eyleyen

Reh-revân-i râh-i Hakk’a LUTFİYÂ hem-râh olan
Kendisin nâ-bûd eder vuslat-ı cânân eyleyen