Vârını bezl eyle ey dil vuslat-ı cânâneye
Virmez misin vasl-ı yâre cânını cânâneye

Şems-i zâtın zerresinden n’ola eylersen ‘atâ
Şem’-i hüsnün nârına sûzân olan pervâneye

Ta’ne kılma zâhidâ ehl-i harâbâta sakın
Iztırârî çekdiler pâyin anın meyhâneye

Cümle-i mevcûda eyler çün sürâhi ser-fürû
Vâdî-i bezm-i belâda devr iden peymâneye

Câna irgürüp bu râzı ey Fenâyî bilmeden
Sana kim dir sırrını keşf eyle her bîgâneye