Gel berü ey ‘aşk odına yanıcı
Kendüyi ma‘şûka ‘âşık sanıcı

Dinle mi‘râcını ol şâhın ‘ayân
‘Âşık isen ‘aşk odına turma yan

Bir dü-şenbe gicesi tahkîk haber
Leyle-i Kadr idi ol gice meger

Ol hümâyûn-baht ol kadri yüce
Ümmühânî hânesindeydi gice

Anda iken nâgehân ol yüzi ak
Cennete var didi Cebrâ’îl’e Hak

Bir murassa‘ tâc-ı âl hulle kemer
Hem dahı al bir Burâk-ı mu‘teber

Ol Habîbime ilet binsün anı
‘Arşımı seyr eylesün görsün beni