Sanma ‘aşk ehlini mevt ile güzâr eylediler
Hicre sabreylemeyüp terk-i diyâr eylediler
Soyunup tâc u kabâyı bürünüp bir kefene
Hil’at-i ‘âriyeti giymeye ‘âr eylediler
Tek görmeyelim deyû rakîbin yüzünü
Bindiler mahmel-i tâbûta firâr eylediler
Götürüp ayağı bu mülk-i fenâ-yı dünyâdan
Vardılar ‘âlem-i bâkîde karâr eylediler
Arka üzre yatup ehl-i kubûr etdi huzûr
Derd ü mihnetle seni İŞRETÎ zâr eylediler