Olur Hakk’dan cüdâ gâfiller ile ülfet iden bil
Firâr it ehl-i dünyâdan iderler çün seni tahbîl

Geçirme vaktini nâs ile istînâs idüp zîrâ
Sana dünyâ umûrun pes iderler mekr ile tahmîl

Ki vardır her birinin bir merâmı gizli kalbinde
İderler hâlini berbâd dahi evkâtım ta’tîl

Refâkat itmeye sâdık refîk zâhirde yok şimdi
Çalış ‘uzlet idüp zikre ider Hakk işin teshîl

Sana pend eyleyüp bîçâre Kuddûsî koca dir kim
Olup tevhîde meşgûl mâsivâ hubbun gönülden sil