Hevâ-yı nefse uyuban hatâ-yı bî-hisâb itdim
Evâmirde tekâsül hem menâhî irtikâb itdim

Yiyüb içüp behâim-veş uyumak ‘âdetim idi
Ne hayra bezl-i vüsu’ hem ne serden ictinâb itdim

Geçirdim vaktimi gafletle kıldım ‘ömrümü zâyi’
Oluban pîr ü ‘âciz şimdi kendime ‘itâb itdim

Hudâvendâ bugün kapuna geldim suçumı ‘afv it
Dahi Geylânî’ye dervîş oluban intisâb itdim

Habîbin ‘âşıkı Kuddûsî-yi bîçâre dir dâim
Anın ‘aşkı oduna cismimi yakup kebâb itdim