Şol ki yolda terk-i dünyâ terk-i ‘ukbâ eyledi
Ka’be-i maksûda irdi hubb-ı ra’nâ eyledi

Hâlet-i ‘aşkı Hudâ’nın bir ‘aceb hâl eylemiş
Gayrıdan ‘uşşakı kesdi mest u şeydâ eyledi

Komadı esdâf-ı sırda nâm-ı kesretden eser
Vahdet-i zâta çıkardı dürr-i yektâ eyledi

On sekiz bin ‘âlemi îcâd iden kâdir Hudâ
“Küllü şeyin hâlikün”la yine ifnâ eyledi

Bir ‘aceb söz söyledi Bîçâre Abdullah yine
Nefs u kalbi rûhu geçdi sırda tâ câ eyledi