Geçir bâlimizi hubb-ı sivâdan
Halâs ola ki sâlik her hevâdan

Muhabbet dâğını kıl dilde sûzân
Çerâğımız yana nûr-ı Hudâ’dan

Dili kibr ü riyâdan eyle tahlîs
Safâ-bahş ola sırr-ı Kibriyâ’dan

İçen vahdet meyin bezm-i belâda
‘Ubûr eyler bu kesret ‘âleminden

‘Ademden eyledin hâk iken insân
Nedir hâsıl olan bir katre mâdan

Gider bîgânelik resmin aradan
Bizi fazlınla ‘add it âşinâdan

Yed-i kudret ‘atâsından Fenâyî
Elini kesmedi rû-yi recâdan