Dehr-i dûna dil veren ‘âkil değil dîvânedir
Mansıb-ı devlet ne dersen bir kuru efsânedir
Âşinâlık kesb idenler çarh-ı sergerdân ile
Serserî kalmışdır ol Hakk’dan bîgânedir
Gencini mü’minlerin gönlünde pinhân itdi Hakk
Anınçün dâimâ bu şehr-i dil vîrânedir
Çünki bir câdûya benzer bu cihân gâyet sakın
Tâlib-i dünyâ-yı dûnun hizmeti Şeytân’adır
Mâsivâdan el çeküp Allah ile dostluk eden
Dînde Seyyid Nizâmoğlu ‘aceb merdânedir