Âşiyân-ı Rûm’dan uçmuş hümadır işbu dil
Hâliyâ Şâm içre murg-i bîn-nevâdır işbu dil

Okumuşdur dâsitân-ı ‘aşkdan bin bir varak
Sad-zebânıyla bugün nağme-serâdır işbu dil

Feyz-i Hakk’dan gerçi deryâ-dil katı çokdur velî
Cây-i cûy-i rahmete mahz-ı ‘atâdır işbu dil

Çehresi jeng-i ta’allaukdan mücellâdır anın
‘Aks-i nûr-ı Hakk’a mirât-ı safâdır işbu dil

Çok cefâ çekse tarîk-ı Hakk’da n’ola Hakkıyâ
Sâlik-i râh-i havâss-ı evliyâdır işbu dil