Devlet-i dünyâya mağrûr olma gafletden sakın
‘Âkıbet-endîş olup hengâm-ı fırsatdan sakın

Eşk-i mazlûmânesi şem’in yakar pervâneyi
Gâfil olma âb-ı çesm-i bî-mürüvvetden sakın

Olma a’dânın mücerred niyyetinden ters-nâk
Sen ‘adûya itdiğin fi’l-cümle niyyetden sakın

Hem-çü kassâr âherin kirpâsına meşgûl olup
Kendin itme rû-siyeh şems-i felâketden sakın

Gül gibi çâk olmasın dirsen girîbân-ı dilin
Ber-hevâ cem’ itdiğin nakd-i rutûbetden sakın

Bak sehâbın girye-i nâgâhına çarh üzre de
Yâr-ı nâ-hem-vâr ile dünyâda ülfetden sakın

Hâmenin seyr it Müsellem keşf-i râzın kağıda
Suhuf-ı ‘âlemde tehî-mağz ile sohbetden sakın