Âf-tâb-i tal’atın tuttukça evc-i irtifâ’
Katl-i ehl-i aşka tîğ-i gamzedir andan şu’â’
Deşt tutmak âdetin koymuştu Mecnun aşkta
Şöhre-i şehr olmağın resmin ben ettim ihtirâ’
Zerk deryâsında bir hâşâkdır kim çizginir
Sofi-i şeyyâd kim devran tutup eyler semâ’
Geçtiğim dünyâ vü ‘ukbâdan senin’çin oldu fâş
Doğru derler küllü sırrın câveze’l-isneyni şâ’
Ol bût-i ser-keş gelir salmış cemâlinden nikâb
Ey selâmet el-firâk ey akl ü îmân el-vedâ’
Cân ü dil bir ömrdür tîğin’çin eylerler cedel
Girmeden tîğin senin ortaya kat’ olmaz nizâ’
Ey Fuzûlî âhiret mülküne lâzımdır sefer
Böyle fâriğ gezme takvâdan müheyyâ kıl metâ’

Fuzuli