Ben cânımı ol câna mihmân etsem gerekdir
Cân Yûsuf’un Ken’âna sultân etsem gerekdir

Yüz tutdum yollarına ‘azm etdim güllerine
Bî-nişân illerine seyrân etsem gerekdir

Ben zâhidin gavgâsın terk eyledim ferdâsın
Bu vücûdum katrasın ‘ummân etsem gerekdir

Gördüm yârı düşümde yokdur yanlış işimde
‘Aşkın anın başımda sayvân etsem gerekdir

Lokmân oldum bir dine dükkân oldum verdine
‘Âşıkların derdine dermân etsem gerekdir

Gel berü pervânesin ‘aşk oduna yanasın
Anca gönül hânesin külhân etsem gerekdir

Ümmî Sinân’ın cânı olsun Dost’un mihmânı
Gayrullahdan ben beni ‘uryân etsem gerekdir

Ümmi Sinan