Bu şeb bana arz-ı cemâl eyledi dilber
Sevdâsı o yârin meni mest eyledi gitti
Hem dişleri dür ruhleri gül çeşmi mücevher
Sevdâsı o yârin meni mest eyledi gitti
Şol gamzeleri cânıma kasd eyledi gitti
****
Bir rûy-u münevver gül-ü nevreste-i tâze
Çekmiş gidiyor hâllerini doğru Hicâz’e
Cân mı dayanır eylediği cilveye nâze
Sevdâsı o yârin meni mest eyledi gitti
Şol gamzeleri cânıma kasd eyledi gitti
****
Rahm eylemedi hâlime şûh-u cihânım
Kanım kurudu çıkmağa az kaldı cânım
Sanma ki kalır ana da bu ah u figânım
Sevdâsı o yârin meni mest eyledi gitti
Şol gamzeleri cânıma kasd eyledi gitti
****
Bed-çehre rakib ile eder zevk u muhabbet
Âşıklarına kılmadadır cevr ile mihnet
Ağyara eder arz-ı cemâl bizlere nisbet
Sevdâsı o yârin meni mest eyledi gitti
Şol gamzeleri cânıma kasd eyledi gitti
****
Ben Hazret-i Sâmî gibi mirâtımı buldum
Mir’ât-ı musaffâyı görüp zâtımı buldum
Hem sûre-i İhlâs ile isbâtımı buldum
Sevdâsı o yârin meni mest eyledi gitti
Şol gamzeleri cânıma kasd eyledi gitti
****
Sanma ki kaçar âşık olan cevr ü cefadan
El çekti cihân dilberi hep ahdi vefadan
Bir nîm-i nigâh Salih’i ayırdı safâdan
Sevdâsı o yârin meni mest eyledi gitti
Şol gamzeleri cânıma kasd eyledi gitti