Bûy-i ‘aşkından dile yâ Rabbi reyhân it nasíb
Bülbül-i câna gül-i handân-ı ‘irfân it nasíb

Bir nefesden nefs-i ‘Îsâ buldu çün feyz-i hayât
Mürdeyem Rûhu’l-Kuds’den nefha-i cân it nasîb

Hayliden sâhil-nişîn-i bahr-ı ümmîdem yeter
Bir tehî-destem bana da dürr ü mercân it nasîb

Sofra dildir mâide envâ’-ı esmâdır ana
Ni’met-i elvândan bu câna da hân it nasîb

Şeyh Hakkı câm-ı ‘aşkıından cüvân olmak diler
Bezm-i lutfunda ana feyz-i firâvân it nasîb