Çünki bâlın var ya Hakk’a niçün ikbâl yok
Gûyiyâ zenbûrsun ki hânesinde bal yok

‘İlm hân-ı bî-nemekdir olmaz ise anda feyz
Ey müderris n’idesin kâli anda hâl yok

Nakd-i mağşûşa nazar kılmaz çıkanlar kâlden
Mâyedir dil kîsede san ki içinde mâl yok

Şu’beden îmân-ı dil olur dıraht-ı müntehâ
Hîç virsün mi şecer mîve ki anda dal yok

Her ne denlü vâr ise ‘âşıkları seyr eyledim
Derd ile Hakkı sararmışdır ki anda al yok