Düşüp derdine Mevlâ’nın kodum bu ‘akl u idrâki
Gönül Dost’a firâr itdi n’iderim mâl ü emlâki

Derûnumda olan âteş yakarsa ger ‘aceb olmaz
Mevâlîd-i ‘anâsırda dahî hem çetr-i eflâki

Beşer kimdir ki dem ura anın ‘aşkı hevâsından
‘İnâyet andan olmazsa ne şeydir zerre-i hâki

Harîm-i ‘aşka yol bulmak dilersen varlığından yun
Ki kudsîler makâmıdır komazlar bunda nâ-pâki

Onulmaz gayrı merhemle bu sînen yarası Şemsî
Meğer kim sûzen-i vaslın diler bu sadrının çâki