Ey gözüm gel ağlamakdan câmını hûn-âb kıl
Belki mercânın bu deryâ içre hûn-i nâb kıl

Şöyle vîrân eyle seylâb-ı elemden kendini
Ey gönül aç Hakk’a doğru her yanın bir bâb kıl

Cümle eczâ-i vücûdundan dökülsün yaşlar
Kim arak-rîz olmada çün sîneni dolâb kıl

Heybet-i Hakk’dan zemîn u âsumân eyler buna
İki gözüm sende iki gözünü mîzâb kıl

Âhir oldu Hakkıyâ ömrün yeter insâfa gel
Halkdan i’râz edüp Hakk’ı sana mihrâb kıl