Abdullah Tamamlar-Ey Huda Kimdir Huzurunda
Ey Hudâ kimdir huzûrunda bulan senin kemâl
Pes bulan sensin senindir çün ki hükm ile kemâl
Kim ola kim zât-ı mutlakdan seni mutlak bile
Pes bilen sensin senindir çün ki keşf ile kemâl
Kim ola kim hazretin dergâhına kulluk kıla
Pes kılan sensin senindir çün ki fi’l ile kemâl
Kim ola tevhîd hakkan zâtını zikr eyleye
Eyleyen sensin senindir çün ki lutf ile kemâl
Kim ola elfâz-ı ma’nâdan kelâmın söyleye
Söyleyen sensin senindir çün lisân ile kemâl
Kim ola kim enbiyâdan göstere bir mu’cizât
Gösteren sensin senindir mu’cizât ile kemâl
Kim ola kim evliyâdan halka ol burhân ola
Pes olan sensin senindir çün delîl ile kemâl
Kim ola kim evliyânın kapusunda bekleye
Bekleden sensin senindir çün ki ‘aşk ile kemâl
Kim ola cürm ü hatâdan nefsini tâhir kıla
Pes kılan sensin senindir çün ki ‘afv ile kemâl
Kim ola kim gayr-ı Hakk’dan saklaya dil mülkini
Saklayan sensin senindir çün ki hıfz ile kemâl
Kim ola mâsivâdan kurtara cân sırrını
Kurtaran sensin senindir çün ki sırr ile kemâl
Kim ola kim seyr-i ma’allâh seyrine sırr irgüre
İrgüren sensin senindir çün ki seyr ile kemâl
Kim ola Ümmî Sinân’a lutf ile kahr eyleye
Eyleyen sensin senindir kahr u lutf ile kemâl
Ümmi Sinan
1Abdullah Tamamlar
Sitemizde sanatçıya ait toplam 50 eser bulunmaktadır. Sanatçının sayfasına gitmek için tıklayın.
Yorumlar
Henüz yorum yapılmamış.