Ey vezir-i mülk-perver kim nizâm-i mülk için
İ ntihâb etmiş cemî’-i halktan sultân seni
Hall ü akdin âlemin kılmış mufavvez râyına
Nâ’ib-i hükm-i hilâfet eyleyip devrân seni
Kıl hazer kim olmaya nâ-geh mizâcın münkalib
Kılmaya ser-mest câm-i şevket-i divân seni
Olasın insâf için mansûb iken ehl-i fesâd
Ede din ehline âfet kıllet-i îman seni
Etmeğe ma’mure-i İslâmı vîran kendüye
A’zam-i a’van ü ensâr eyleye şeytân seni
Etmiş iken efdâl-i halk-i cihân ikbâl ile
Erzel-i ehl-i cehennem eyleye Sübhan seni

Fuzuli