Ey vücûdun eseri hilkat-i eşyâ sebebi
Nebî-i ol vakt ki bi’l fi’l gerekmezdi nebî

Seyyidü Ebtahiyyü ve Mekkiyyü ve Ümmiyyü ve Zekî
Hâşimiyyü Medeniyyü Kureyşiyyü Arabî

Sebkat-i zât ile eyvân-ı risâlet sadrı
Şeref-i asl ile fihrist-i rusül müntehabı

Azm-ı çarh etti Mesîhâ ki bula mi’râcın
Yetmedi menzil-i maksûda tarîk-i talebi

Enbiyâdan kime sen tek bu müyesserdir kim
Âdem’e vech-i mubâhât ola izz ü nesebi

Halef-i mu’teber-i Âdem ü Havvâ sensin
Ce’alallahu fidâen leke ümmî ve ebî

Yâ Nebî kılma Fuzûlî’ni kapından mahrûm
Afv kıl vâr ise dergâhda terk-i edebi