Feth olısar bâb-ı visâl iksâr-ı zikrullah ile
Ma’lûm olur sırr-ı meâl esrâr-ı zikrullah ile

Gamdan dili âzâd ider Dost yoluna irşâd ider
Cân bülbülü feryâd ider gülzâr-ı zikrullah ile

Hakk’dan hüdâ gelse dile zikri alır dâim ele
Sıdk ile ‘azm ider yola âsâr-ı zikrullah ile

Varlık konağından göçer vahdet şerâbından içer
Cümle sivâlardan geçer îsâr-ı zikrullah ile

Derdlilere dermân olur hem katreler ‘ummân olur
Bîçâre kul nihân olur izhâr-ı zikrullah ile