Feth-i bâb-ı dagalı eylese bir dest-i mürîd
Zammeden fetha ‘udûl eyler olur nâmı merîd

Ger dilersen olasın sen de mürîd-i Hazret
Eyle ifnâ-yı irâdet bi-tarîki’t-te’kîd

Mâsivallâha nazar eylese sôfî bir dem
Gördüğü pertev-i tahkîk olur hep taklîd

Kalbine hâtıra-i gayr gelirse anın
Ana lâzım gelir îmânını itmek tecdîd

‘Aşk Simurg u gönül ana olupdur çün Kâf
Tefrîka sûret-i Ye’cûc ü fenâ sedd-i sedîd

Ben ne şeyhim bu zamân içre ne sôfî Hakkı
Olmuşam dergeh-i Mevlâ’da bir ednâ-yı ‘abîd