Cân gözüyle cânânı
Seyrâne gel tevhîde
Gavs eyleyüp ‘ummânı
Merdâne gel tevhîde

‘Uryân olup hevâdan
Pâk ol dâim sivâdan
Olmağa âşinâdan
Meydâne gel tevhîde

Su gibi sen de arın
Ak ola yüzün yarın
Görmeğe Hakk dîdârın
Dermâne gel tevhîde

Geç âlem-i memâtdan
İç kevser-i hayâtdan
Cümle hicâb-ı zâtdan
Sultâne gel tevhîde

Aç ol genc-i nihânı
Gör cân içinde cânânı
Ol sırr-ı “kün-fe-kân”ı
Vicdâne gel tevhîde

Raûfî olup hayrân
Cân ü ciğeri büryân
Ey dîdeleri giryân
Handâne gel tevhîde