Hadden aşdı iştiyâkın
Yâ Resûl göster cemalin
Yakdı cismim iftirakın
Yâ Resûl göster cemalin
Çün beni saldın bu derde
Kıl nazar halime zerre
Nîce bir hicâb ü perde
Yâ Resûl göster cemalin
Beni bu derd ü bu hicran
Ahır öldürür ne derman
Sana kurban eyleyim can
Yâ Resûl göster cemalin
Çıkdı eflâke figânım
Yaş ile bir oldu kânım
İştiyâkdan yandı cânım
Yâ Resûl göster cemalin
Çün hayâlin erdi câna
Nîce bakayım cihana
Yeter eyledin bahane
Yâ Resûl göster cemalin
Tut elini ŞEYHÎ cânın
Dest-gîri ol sen anın
İhsan eylemekdi şanın
Yâ Resûl göster cemalin