Hak-bîn isen ey dil gözet âdâb-ı hakîkat
Ashâb-ı mecâz olma ol erbâb-ı hakîkat

‘Uryân kalır nev-hevesin kadd-i ümîdi
Sıdk ehline âmâdedir esvâb-ı hakîkat

Her murg-ı çemen-zâr olamaz bülbül-i şeydâ
Her başa takılmaz gül-i şâd-âb-ı hakîkat

Bir gün çeker elbet çıkarır râh-ı necâta
Bend olsa eğer gerdene kullâb-ı hakîkat

İrmekse Şeref sâhil-i maksûda murâdın
Sal fülk-i dili gark ide girdâb-ı hakîkat