Hamdülillah gel didi bize bugün cânânımız
Mâ tekaddem olmuş idi ‘ahd ile peymânımız

Cân u başdan geçmeyince vuslat-ı Yâr olmadı
Cân u başdan geçer isen gel didi sultânımız

Sende başın top idüp meydân-ı ‘aşka gel berü
Baş iledir râh-ı Hakk’da top ile çevgânımız

Kendinin zindânına girme eğer âdem isen
Hamdülillah ilidir bizim seyrânımız

Sen sanırsın bizim ile görüşenler yâr olur
Şimdi hep bî-gâne olmuşdur kamu ihvânımız

Zerre denlü zelle görse dağılır cümle kaçar
Nice yüz bin cürmü ‘afv itmekdedir Sübhânımız

Bizi sanma kim mecâzî vü harâbât olavuz
Hamdülillah Hakk iledir dem ile devrânımız

Hakk’a tevfîz eyledik cümle umûru dâimâ
Mel’anet üzre ‘aceb mel’ûndur şeytânımız

Ma’nevî bâkî sakın bakma bu fânî ‘âleme
Hakk Te’âlâ son nefesde hıfz ide îmânımız