Hem üstâdım efendim Zâkirî’dir
Kamu fende nazîri nâdirîdir

Olub ismi Hasan hulku Hüseynî
Hudâ vermişdi irfân ile zeyni

Olubdur zikr ile meşhûr-i âfâk
“Nevâ”sıdır gıdâ-yı rûh-i “Uşşâk”

İmâmetde gözedüb “Pençgâh”ı
İbâdetde geçirdi mâh u sâlı

Yüzü ağı idi ehl-i usûlün
Sözü sağ idi ol ehl-i vusûlün

Makâmât ile seyr idüb cihânı
“Irak”ı geh “Hicaz”ı “Isfahan”ı

Nazîri yok disem Urb u Acem’de
Sözüm “Rast”dır hilâfım yok bu demde

Terâvih içre ‘tesbîhât anındır
Usûlde cümle te’lîfât anındır

Minâre üzre temcîdât anındır
Semâ’ içre ilâhiyyât anındır