Her kişi yâr aldıda der çinni hem, yalgânı hem,
Vah kim ol bâver kılur vâkanı hem, bühtânı hem.

Câna yettim, muhtelib ashâbdan ol dilrübâ
Öyle kim gönlümü aldı, kâş alsa cânı hem.

Müddeiler, böyle hemrâz olsalar yar aldıda,
Özge tutmak farzdır ölmekni, bel hicrânı hem.

Söz dey ahırlar geh u bigeh, mahal u bimahal
Bes mahaldir terk kılsam mülk ü hânumânı hem.

Çünki bağrım kanını göz yolıdan akıtdılar
Dem-be demdür kim suvaşturlar serâser kanı hem.

Ey gönül, dehr ehline yok va’de ü peymân dürüst
Nice küygün sen dağı, üz va’de-i peymânı hem.

Hâşalillâh kim, Nevâî eylegey terk-i vefa
Bivefâ kâfirler alsa cânı hem imânı hem

Ali Şir Nevai