İnn-e lir Rahman-i tarfen kadr-i enfas-il vera,
Küllü mer’in salik-ün necha kadimen bil-heva.
Men lehu akl-ün nech yektedi bil-Mustafa,
Kad enarel-aşk-ı lil-uşşak-ı munhac-il Hüda.
Salik-i rah-ı hakikat aşka eyler iktida.
Cümle eşyaya birer halet konulmuştur tamam,
Birbirinden bazı nakıs bazın isti’datı tam.
Meşreb-i ala olan neş’e nedir hasıl kelam,
Aşktır ol neş’e-i kamil kim andandır müdam.
Meyde teşvir-i hararet neyde te’sir-i sada.
Gülşen-i vahdet çü kalb-i emr-i ram-ı aşktır,
Lezzet-i vuslat heman ancak müdam-ı aşktır.
Terk-i kevneyn eyleyen mest-i öüdam-ı aşktır,
Vadi-i hayret hakikatta makam-ı aşktır.
Çün müşahhas olmaz ol vadide sultan-ü geda.
Arifin aşk-ı İlahiden yeğ olmaz hemdemi,
Nuş edip sahba-yi zatı can olur her bir demi.
Mazhar ana ayn-i zahir görünür gider gamı,
Eylemez halvet sarayi sırr-ı vahdet mahremi.
Aşıkı ma’şuktan, ma’şuku aşıktan cüda.
Ehl-i Hak olmak dilersen zevk-ü taat terkin et,
İçini saf eyleyi gör var kiyafet terkin et.
Pend-i guş eyle basiretle sefahet terkin et,
Ey ki ahl-i aşka söylersin melamet terkin et.
Söylekim mümkün müdür tağyir takdir-i Hüda.
Varlığın mahvetmek oldu ayin-i erkan sadıka,
Kalbini yakmak gerek anın demadem barika.
Aşık oldur gitmeye her dem başından saika,
Aşk gülünü çekti hatt-i harf vücud-ü aşıka.
Kim ola sabit Hak isbatında nefyi maada.
Ey Niyazi ibtidasız zevk buldun aşktan,