Âh kim bu ‘âlem-i kesretde kaldım ben garîb
Âşinâdan dûr olup gurbetde kaldım ben garîb

Gül cemâlinden cüdâ düşdüm o yârin hayf kim
Bülbül-i şeydâ kî hasretde kaldım ben garîb

Nice demlerdir vatandan olmuşam mehcûr ben
Kandedir vuslat ile firkatde kaldım ben garîb

Derdime dermân umarken derd içinde kaldım âh
Mübtelâ-yı hicr olup mihnetde kaldım ben garîb

Zevrâk-ı dil Hakkıyâ girdâb-ı ‘aşka düşdü çün
Böyle sergerdân olup hayretde kaldım ben garîb