Mest olan ‘âşık ne kılsa zâhidâ ma’zûrdur
Fi’l ü kavli Hakk katında cümleten mebrûrdur

Bâde-i ‘aşkı içen ‘âşık yimez gam hem elem
Gam nağamdır ana hem merhem ü mâtem sûrdur

Leyse fi’d-dâri sivallah sırrını fehm eyleyen
Dâr-ı ‘aşkında Hudâ’nın tâ ebed mansûrdur

Mürde idim ‘aşk ile buldum hayât-ı ma’nevî
‘Aşk İsrâfìl-i vaktdir kâleb-i Mansûr’dur

Ger visâl-i Hakk’a irmek ister isen ‘âşık ol
‘Âşık olmayan kişiler bil ki Hakk’dan dûrdur

Sohbet-i ehl-i dilândır mûsıl-ı kurb-ı Hudâ
Bil bulardan dûr olan Hakk’dan dahi mehcûrdur

Ey Rusûhî her sözün bir şem’-i tâbândır dile
Zulmet-i cehl ü ‘amâyı giderir pür-nûrdur