Müstedâm ol ey gönül derdin beni yâd eyledi
Hâtırım sordu yine vîrânım âbâd eyledi

Derd-i Hakk’dan gayrı bir dermân yokdur ‘âşıka
Tâ ezelden Hakk anı bu derde mu’tâd eyledi

Mihneti dünyâda virdi râhatı ‘ukbâda ol
Bunda gam-nâk eyleyüp anda anı şâd eyledi

Kahr u lutfun bir gören irdi rızâsına anın
Zî-sa’âdet her ki kendin Hakk’a münkâd eyledi

Hakkıyâ Hakk’dan nişân aldınsa ir ser-menzile
Hakk seni çün kim tarîk-ı hakka irşâd eyledi