Nefsime ‘özr eyledim hem gayra bî-hadd bî-şümâr
Mağfiret eyle beni ey rahmeti bol Kirdigâr

Dahi atamı anamı akrabâmı hem kamu
Asdikâmı mağfiret it kılma bizi şermsâr

Cümle dîn kardaşlarımı dahi eyle mağfiret
Ol habîbin hürmetine bizi itme ehl-i nâr

Uyuban ‘aşk-ı mecâza çok nisâ itdim nikâh
Sâlike olur imiş ezvâc u evlâd cümle bâr

‘İlm ü a’mâl zühd ü takvadan eser komadı ‘aşk
Girüben dil karyesine eyledi heb târümâr

Şimdi olup pîr ü ‘âciz eyledim ikbâl sana
Gice gündüz işim ancak i’tirâf ü i’tizâr

Sen gafûrsun hem habîbindür şefî’ü’l-müznibîn
Geç günâhımdan kamu küçük büyük gizli ‘ayân

Âsitânın oldu Kuddûsî kuluna çün makâm
Ak sakallı gözü yaşlı kârı dâim âh ü zâr